東瀛遊~東京迪士尼、小涌園、富士急樂園五天團... Day 1

11/10 (Tue)

朝早7點3到機場集合, check-in NH912. 之前果日我已叫人幫我assign好個位, 埋到去counter, 原本想去Cindy個counter, 但係佢仲做緊客, 所以走咗過隔離阿緊個counter到check-in. 我同阿緊講笑, 我一定要見到果啲指boarding pass手勢, 要好有禮貌, 如果唔係我會complain. 哈哈!!!!!!
飛機好早齊客, 原本飛0940, 飛機0930就push back. 啲位ok, 飛機餐就麻麻地, 個泠麵ok.
坐咗4個幾鐘頭機, 終於到咗日本東京成田機場. 不過架機泊outer bay, 要坐駁腳巴士. 去到immigration, 嘩! 好長人龍呀! 因為有幾班機差唔多時間到, counter又少, 等咗大半個鐘先過到我. 可能我本passport個version太舊(97年9月issue), 阿sir要用鏡照咗幾野. 去到行李belt帶, 啲行李已經出晒.
我果團有18人. 上咗旅遊巴士後, 第一個景點係"台場". 先去"台場"shopping、睇車展兩小時, 然後去映"彩虹橋"夜景. 晚餐係食中菜, 响"鴻星"食, 間餐館好似係响一個商場叫"台場小香港", 好好食, 尤其是"海膽蒸水蛋", "燒味拼盤", "椰汁西米露". おしでしね。
食飽飽就番酒店. 今晚我地係住"千葉"嘅Grand Tower Hotel. 因為地點近聽日去嘅地方 - Disney Land.

Wedding Party = 教會聚餐 ???

8/10

今晚陪咗媽咪去對面海陽明山莊果度飲我阿嫂個細佬果餐.
原本我係超級勁唔想去, 因為啲人我又唔識, 阿嫂個細佬係乜樣都唔知(可能阿哥結婚時有見過, 但冇印象). 但媽咪話佢都係人又唔識, 叫我陪佢去, 如果唔係得佢一個戇居居. 咁又係, 所以陪咗佢去. 我著咗恤衫, 黑色牛仔長裙, 花花矮踭鞋去, 媽咪問做乜唔著阿哥前幾年結婚果條裙? 嘩! 傻嘅咩! 果條係吊帶裙嚟架! 同人好熟咩? 著到咁樣樣去? 況且我肥咗咁多, 唔想啲肥肉, 肚腩突晒出嚟 俾人睇!
話說7點前要到, 由於時間關係, 坐咗$115的士去陽明山莊. 媽咪去到見到個孫, 即係我姪仔, 不停係咁玩. 兩個男女主角都係基督徒, 可想言之個wedding party有幾悶!!! 又話7點開席, 點知7點半先有得食. 7點係入席呀, 不過講一大輪廢話先有得食, 仲要有個低b估歌仔遊戲, 係"攝時間". 果兩個mc超渣, 勁差, 好似係臨時拉扶咁, 無乜準備, 唔識搞氣紛, 又唔識講嘢, 時間位拿得唔啱. 做mc睇貓紙係正常, 但係唔洗A4 size咁大張卦! 食嘢前有禱告一定唔少得, 玩新郎新娘得果一、兩個, 仲要係勁白痴, 無聊到極點, 都唔知係邊個諗出嚟? 成場冇乜感動位, 連多謝人呢個位都有啲求其(我覺得), 唔係話之前果晚夜 瞓冇準備. 呢啲嘢係應該再之前要準備好. 之前响教堂行完禮有thank you mum & dad, 並不代表唔洗再多謝, 而且唔係全場人都有去教堂觀禮. 最攞命係last part, 新娘新郎, 伴娘伴郎, 同幾個什麼弟兄姊妹夾band自彈自唱詩歌, 唔係一首, 係幾首!!! 似做show、教會聚餐多啲囖! 最搞笑係啲賓客走, 個新娘仲未換完衫送客, 搞到人地要等佢出嚟先走得到! 總之兩個字: 差、悶. This is the worst wedding party I've never been!

國慶...人多... 怕怕

1/10 Sat

今日係十月1日, 國慶, 黃金周.
原本今日機場更, 琴日被調出九龍站, 係掃把Benny要求, 如果唔係佢今日會係一個agent, 做 AF + AY + KA. 對於我嚟講更係好啦! 唔洗放咁夜.
諗住費事換衫, 直接著可住套制服番工放工. 可惜我忘記咗今日係國慶, 夜晚有煙花放, 尖沙咀會有好多人.
放工放10點3, 10點4走人, 去到巴士總站猶豫緊, 究竟搭車出佐敦再轉車定係行出去佐敦先坐車好呢? 結果, 我決定行出去, 因為我見到出面都有啲塞塞地車.
行到出佐敦已經係10點8, 個天好悶熱, 一啲風都冇. 我個背脊已經濕晒, 啲汗搞到條裙貼住個背脊, 條scraft貼住條頸, 勁唔舒服. 見到架巴士載滿飛站, 唯有行前一個站, 清真寺果個站等. 真係後悔唔帶衫換, 搞到我好似有啲異類咁响條街行. 等咗一陣有巴士, 但係好衰唔衰嚟架冇冷氣. 成條彌敦道塞車, 熱咗成半粒鐘有多先可以離開彌敦道. 番到屋企已經係11點9, 即刻洗面沖涼. 家 吓舒服晒~