國慶...人多... 怕怕

1/10 Sat

今日係十月1日, 國慶, 黃金周.
原本今日機場更, 琴日被調出九龍站, 係掃把Benny要求, 如果唔係佢今日會係一個agent, 做 AF + AY + KA. 對於我嚟講更係好啦! 唔洗放咁夜.
諗住費事換衫, 直接著可住套制服番工放工. 可惜我忘記咗今日係國慶, 夜晚有煙花放, 尖沙咀會有好多人.
放工放10點3, 10點4走人, 去到巴士總站猶豫緊, 究竟搭車出佐敦再轉車定係行出去佐敦先坐車好呢? 結果, 我決定行出去, 因為我見到出面都有啲塞塞地車.
行到出佐敦已經係10點8, 個天好悶熱, 一啲風都冇. 我個背脊已經濕晒, 啲汗搞到條裙貼住個背脊, 條scraft貼住條頸, 勁唔舒服. 見到架巴士載滿飛站, 唯有行前一個站, 清真寺果個站等. 真係後悔唔帶衫換, 搞到我好似有啲異類咁响條街行. 等咗一陣有巴士, 但係好衰唔衰嚟架冇冷氣. 成條彌敦道塞車, 熱咗成半粒鐘有多先可以離開彌敦道. 番到屋企已經係11點9, 即刻洗面沖涼. 家 吓舒服晒~