好想~

好想~ 好想去台北小巨蛋睇五月天, 可惜阿Yan去完轉印尼之後變咗負資產.

好想~ 好想去飛落海寫真集簽名會, 但係冇假 + passport唔夠6個月.

好想~ 好想去剥智慧齒, 晨早plan好晒今日去, 然後port兩日, 但係點解個牙醫偏偏呢個時候放大假呢???

一山還有一山高

前日9May, 飛落海經香港去廣州, 第二日朝又經香港番台北. 我當然唔會錯過同尊尊見面嘅機會喇!
我終於見識到竟然仲有啲助理(定係經理人)仲惡+乞人憎過4仔佢地身邊果啲. 真係一山還有一山高. 呢位品神姐真係厲害. 佢地一落機 (飛落海4個+3個阿嬸+1男仔), 竟然冇人夠膽撲上去, 個個淨係跟住佢地尾. 阿比好勁, 得佢一個同尊尊hi, 問佢食咗早餐未. 阿品神姐唔俾佢地收粉絲送嘅禮物. 如果佢見到就高聲大嗌,好"惡死"咁叫個粉絲攞番份禮物.
佢地41位落機, cz泊30位. 佢地竟然去咗65位個cx lounge. 我見咁多粉絲, 咁冇癮, 佢地仲有成個幾鐘, 於是同阿比走去台灣牛肉麵食早餐. 食食吓, pinky打俾我, 原來飛落海佢地唔知係唔入得cx lounge定係入去避啲粉絲, 過咗一陣佢地坐咗golf car去cz個lounge, 追到pinky佢地死死吓. 我同阿比食完早餐, 落完ramp office拎嘢, 仲係9點幾未到10點, 決定行出去睇吓經過30位有冇嘢睇. 行出去時見到30位有一堆粉絲, 24位又有一堆, 行行吓見到矮得得同oz個女仔去緊30位, 跟住其中一個大嬸工作人員由22位去緊30位, 即係佢地仲未上機. 我地行到15位個duty free, 佢地剛剛開車, 唯有襯呢個時候同尊尊講bye bye.
10May佢地回程, 隻cz泊71位咁遠, 我又遲到. 今次隻cx泊4號閘, 佢地又好"醒"地由65位個transfer point過security然後又去cx lounge. 上到departure已經唔見咗佢地. 我估佢地分分鐘又叫golf car去4號閘. 見咁冇癮, 唯有call nana睇吓佢地响邊, 搞阿明算. 原來跟阿明又真係幾好玩, 果日仲有喬恩係度. 最搞笑我地見到周華健, 阿喬恩好似個粉絲咁, 想同佢映相但又唔咁開口, 要我地幫佢開口.
聽日佢地番台北, 唔知佢地會唔會出去呢? 最衰我聽日要做機, 如果唔係我都會跟nana佢地玩埋一份!

JUMP~ 離開地球表面

五月天 JUMP! 離開地球表面 2007年巡迴演唱會 首站 於 4May & 5May 在紅館開show.
這是五月天第二次在香港開concert. 距離上次的演唱會 FINAL HOME 都有一年了.
我當兩場也有看, 都很high. 第一場看$200, 但後來有$400免費飛. 第二場買了黃牛飛坐下面, 真係high到不得了, 坐下面個feel真係唔同啲. 睇完兩場好攰, 因為體力勞動得好緊要, 成場係咁fing螢光棒, 又氹地, 又跳.
兩晚完場後都有留低嗌encore, 第一晚冇, 第二晚個個都諗住最後一晚應該會encore, 擾攘成半個鐘最終都係冇出嚟, 原來係主辦單位唔俾佢地encore. 有啲失望.
五月天啲紀念品我最鍾意係佢地嘅T-shirt, 不過, 好可惜阿信設計的mp3機同T-shirt賣晒.

心淡

真係對呢間公司愈嚟愈心淡.
都唔知請個鬼婆嚟做咩? 嚟咗兩個月多啲, 都唔知佢做過啲咩? 成日對住個電腦打打打. 啲英國口音又重, 聽佢講嘢聽到耳都側埋.
邊個遞信apply就升邊個, 都唔知有冇考慮過果個人之前嘅history, 工作能力同經驗,係咪qualify去做呢個位. 佢完全唔了解某啲人做嘢有幾"好"!
佢升埋呢啲人, 搞到我地更加努力地去搵新工.
而我地亦都等住睇套好戲上演!

嘩! 真係好耐都冇寫blog嘞! 都有成4個幾月, 一來番工番到個人好攰, 番到屋企寧願對住部電視都唔想對住部電腦, 搞到個"懶"晒, 唔願寫, 二來電腦壞咗.

今日終於收到公司張memo, confirmed 有 bonus 同埋extend 到5月會出, 但係冇講明會出幾多, 只係話根據個人表現而定. 咁~即係according to 今年年頭做果份appraisal而定啦! 死嘞! 上次同臭口組做完都唔知自己幾多分添!

好想走

好想走, 好想離開呢間公司. 愈來愈頂唔順呢間公司同地隻AC.
一係炒咗個完全係一個白痴, 對其他department運作完全唔理解, 完全唔識體恤員工嘅HR manager, 再炒埋成日諗埋啲屎橋度縮數嘅所謂Financial controller, 否則換咗個老細等於冇換.
仲有, 公司唔好再接埋啲屎機番嚟做. 一隻AC已經好難頂. 對住呢班無知婦人, 真係冇得頂(係冇人可以頂得順佢地). 佢地都痴痴地, 1個鐘頭前要預到個餐, 咁不如個pre-meal做大啲咪唔洗加餐囉. 一係我預咗個餐, 到時noshow大, 大咗餐唔好話我地噃! 全個office得唯一一個男personnel係正常.
我地handle過唔少airlines, 都冇一間好似佢地咁白痴, 應慳而唔慳, 唔應慳就走去慳. 都低低地!!!

好down

今日原本好地地, 16仔又唔係爆, 7仔又早到3分鐘, 唔洗受UA氣, 無mis-connect, 就算w1 CX有屎都好快畀我搞掂, 點知... 我竟然整唔見咗張FIM, oh! shit! 我都唔知幾時整唔見, 明明家姐係連印, FIM同hotel voucher一次過畀我, 而我應該好順手地放入個袋, 但係點知番到officer準備開袋打report時先發覺只得個印同hotel voucher, 唔見咗張FIM. 張個袋倒晒啲嘢出嚟摷咗3次, 電腦周圍又搵, 沿著之前行過嘅路線搵都無發現. 响w1執屎時我都無响個袋拎過任何嘢出嚟. 死喇! 究竟張FIM去咗邊?? 幾時跌咗我唔知呢?? 因為張FIM係blank, 未開過, 只係有個validator印, 最驚俾識嘢嘅客執咗收埋嚟用, 又或者啲清潔阿姐當垃圾掉咗!

唉~ 好down呀! 究竟張FIM去咗邊呀????? 聽日如果唔蒲頭, 我就要報警report lost啦!!!!!!
你去咗邊呀??? 快啲番嚟喇!!!!!