接機...送禮...

28/9 Wed

老細今日由上海經香港番台灣. 好彩今日個duty可以竄出嚟見一見老細.
因為琴晚太眼瞓 , 所以今朝8點幾起身整file俾老細.
番到去, 去咗個厠所, 就入咗去food court 搵個僻靜嘅位寫埋封信. 3點幾, nana放工入咗嚟陪我.
3點40分左右入到去, 飛機剛剛埋位. 去到bay位, 見到左右門神之一 ...T小姐 ... 轉咗髮型...依然咁嘅7 look. 見到老細, 嘩 ! t小姐真係當正自己同人好熟喎! 妖~ pk la!
不過搞笑係老細一之落機就問厠所响邊, 佢要去殊殊. on the way 去厠所時,我咪上前遞我同annie個file俾佢. 等緊老細出嚟時, christine睇我果個file, 係度笑. 老細出咗嚟之後, 一路行一路睇我個file, 同fanny, christine佢地指吓, 笑吓. 行到去w1, 坐响度等緊"可樂巫婆" 幫佢地check-in時, 佢就開始睇annie個file. 我偷偷地影咗兩張相send俾annie , 等佢開心吓.
陪老細過完x-ray後就同老細講bye bye, 因為另一個左右門神...kristy出現埋, 我實冇訂企, 仲唔走人咩!

非常"正"的送機篇

24/9 Sat

由於琴晚太攰 , 所以今朝搭車時先寫信俾老細.
去到機場已經12:10, 好多人已經到咗, 而我手上多咗一疊信係要轉交俾老細. 今日好彩有nana陪, 有個伴, 冇咁驚.
一路上, annie同烈火戰車有聯絡, 先知條粉腸stanley臨時改北hall入, 跟住~奇景嚟啦... 差不多200人同時由南hall跑去北hall. 我同nana就睇定啲先入去. 照慣例, 同nana在immg後等佢.
哈! 冇其他人貼身跟住, 即刻遞上手上嘅信, 老細輕觸我嘅手臂 說: "謝謝!" 我當然一而再, 再而三咁remind佢一同定要睇我封信啦! 過完x-ray, 阿食蕉叔叔同佢講"thank you", 佢又禮貌地回番句"thank you". 跟住我同佢講, 佢應該用廣東話講"多謝, 唔該!" 老細笑咗一笑. 一出咗去, 一大鵬人已經圍住佢. 原本想响老細上golf car時再同佢say goodbye. 點知攝唔到位, 不過算啦! 我都"lun"咗好耐.
之後同annie出咗信和幫irene. 夜晚番咗去ot.

**有個小插曲, 聽聞老細入閘時, 因為有人未送到禮物俾老細, 所以掟俾老細, 點知掟到老細個頭. 老細同fanny都即時老黑面. 老 細上到機更要用冰敷頭.

見面會

23/9 Fri

今晚個見面會有老細同阿van. 個show8點半開始, 由於預咗企後面, 所以8點3、4先入場. 入到去個位置都ok, 後來suki問我企唔企前面, 考慮咗一陣, 同nana商量完, 決定行去前面. 但有啲後悔, 因為前面好多人, 幾迫, 又多汗味. 佢地兩個又响後面出場. 真係有啲蝕底.
完show後, 就同annie佢地去咗apm食嘢.

很久沒見, 掛念得很...

老細忙於在老家拍劇, 好耐冇都响香港見到老細.
今日終於有機會啦! 今晚九展有function, 老細當然今日到.好耐都冇接機, 一做完機, 即刻去check ETA, 入到去, 勁多人, 乜國籍都有, 韓國, 日本, 菲律賓, 泰國, 內地... 得我一個on uniform. 一路等, 可一路緊張, 因為太多人, 我知道好難埋到身, 所以一見到老細駕golf car駛緊埋嚟就即刻標上前俾咗個file佢先, 點知佢一打開個file之時, 其他人已經擁上嚟, 係咁張啲禮物放响file上面, 又圍住駕golf car, 仲爭啲落唔到車, 連車尾啲禮物都冇攞. 唯有大聱問Fanny想點, 佢話叫"可樂精八婆"幫佢攞就得喎! 基本上我全程都係遠觀, 事關on uniform, 唔係咁方便. 其後老細又入咗厠所. 唔知係避人定係真係急. 出咗去, 當然被重重包圍. 落樓梯時更表情多多,表現風騷.

換邊個電話好呢?

好想換電話, 睇中咗 SonyEricsson W800i 同 Sharp SX833.
各有各優點、缺點.
W800i ~ 不忸都唔係好鍾意呢個牌子, 但係呢部啲function好齊, 隻色又sharp. 但聽聞成日hang機.
SX833 ~ 得紅色, 人地用bluetooth send mp3俾你, 你自己要番屋企轉番個file先用得. 有啲大舊.
究竟買邊部好呢????

通宵k

呢個禮拜個roster有早有夜, 都ok!
琴晚番夜, 咁啱Nana又係番夜, 於是兩條友齊齊去唱k. 1點幾唱到5點10. 搭第一班巴士番屋企.
可能壯態不足, 唱唱吓眼瞓. 原本以為會瞓到5、6點先起身, 可惜俾電話噪醒, 兩點幾就醒咗.

I am "BACK" ..... 1week

呵~呵~呵~
呢個禮拜個roster非常好, 我終於可以脫離"斷六親"更... ... 1個禮拜咁多! 都好過冇. 可以同啲frieds 出去食吓飯, 聚一聚.
今晚就約咗阿思同阿欣出去尖沙咀唱k, 8號就約咗JerryGarden啲friend食飯. Great!!!!!