~ Lucky ~ ^_^

前日1月25號, 公司有Chinese New Year Lucky Draw, 勁多獎品, 當然唔少得有機票同現金獎. 而我, 未踏入狗年就好好運, 中咗 $500 現金獎. 呵~呵~呵~ 不過玩抽獎時, 我係超忙, 都唔知自己中咩獎, 以為自己中埋啲"唔等洗"嘅獎品. 後尾個中獎list出咗, 先知自己中咗 $500 Cash! 嘻!

新電話

Yes! 今日終於出咗個新電話 ~ Sony Erisson W900i.
剛剛义完電, 仲研究緊啲function點用, 因為之前用慣Samsung機.

St.Mary's Past Student Gathering

13Jan, 有個舊同學gathering, 因為之前收到e-mail阿嫲响加拿大番咗嚟, 加上Rachel原來已經由英國番咗嚟7個月, 想搞吓gathering, 見吓大家. 開頭以為出嚟啲人我都識或者知係邊個. 後尾聽阿嫲講聽番嚟嘅name list, 嘩! 大部份都唔識, 好多都係隔離班, 有啲唔想去, 但係SiuSiu話大猩猩唔俾我地兩個放飛機, 唯有硬著頭皮去.

Gathering約咗响7點中環Jardine House basement Grappa's, 我地(siu, 大猩猩, 我)7點半先到. 去到見到我識嘅有: Anita Ng, Amy Yeung, Karen Ho, Joanna Law, Susan Wan, Pauline, Eliza, Ruby So. 後來到有: Anna, Lily, Rachel, 阿嫲. 計埋有遲到早走, Total都有22-25人. 其中有人係老師, Buyer, PR, 律師都有. 好多人個樣都冇乜變化, 只有一個係例外~ Susanna Tong. 其實我唔識佢, 只不過當時F.3時佢做咗樣嘢令到全校轟動, 係人都識. 每個到場嘅人第一時間都認唔到佢係邊個. 因為佢瘦咗好多, 個樣仲有小小似阿嬌, 小小啫. 中途, 我仲試吓call幾年冇見嘅阿寶, 點知佢竟然肯由將軍澳出嚟中環. 總括嚟講, 個gathering都ok, 冇想像中悶. 仲八到我地5A嘅班長Peggy原來之前攞咗scholarship去咗劍橋讀Doctor, 好似係修Linguistics. 勁! 不愧係我地嘅班長!

不過想趁阿嫲5Feb番加拿大前搞多次gathering, 但係今次想約埋啲老師.

新的一年, 新的開始! 新年快樂!!!!!!

2006年終於到咗!
無錯, 新的一年, 新的開始! 正所謂"一年之計在於春, 一日之計在於晨". (好似有少少老土)
有咩plan呢?? 最重要係"減肥", 因為2月前要去影智能身份証. 塊面瘦啲好睇啲嘛! 張身份証一世過喎!
唉~ 不過我呢份人成日"講就天下無敵, 做就有心無力". 好似買咗舊O-SIM腰帶差不多有成半個月, 到宜家都未用過! 希望今次有恆心啲, 有耐性啲啦!!!