天文台 ... 多得你唔少!

一個風力強勁達八號波嘅三號波, 搞到全機場陷於極度混亂之中, 最苦嘅唔係乘客, 而係所有Customer services ground staff. 我地要忍受俾客鬧, 俾客寸, 不停同客解釋, 講到口水都乾. 好彩嘅, 有得番屋企瞓幾個鐘, 或者公司肯响Regal book房俾staff休息, 唔好彩嘅, 番屋企沖個涼, 洗個面又再嚟過, 最慘係冇得瞓, 踩足廿四個鐘. 我算好少少, 第一晚黐到nana間房瞓3個鐘, 三日夾埋瞓到5個鐘, 我有啲同事直踩廿四個鐘, 個個都番到呆呆滯滯, 仲要俾啲客蹂躪. 第二日朝早, 有個同事幫個客check check吓in 突然定咗格, 唔郁, 原來佢攰得滯, 呆咗, 佢自己都唔自己做乜.

啲客成日都話不滿航空公司無安排, 無賠償. 喂! 天氣問題係airline out of control, 唔關airlines事, 好多airline嘅procedures係可以乜都冇嘢賠, 點賠車錢, 俾酒店你住? 國泰一日咁多班機, 佢唔賠嗰五舊水車錢, 仲引起更多公憤, 兼且佢地啲機票比其他又貴咁多錢. 話打電話去問又話飛到, 去到機場先話飛唔到. 你問嘅時候啲飛機仲on the way嚟緊, 但係天氣太差, 民航處唔俾land, 所有飛機要轉飛去附近嘅廣州, 高雄..., 呢啲係冇人估計得到, 飛機land唔到, 又邊有飛機飛呀!

其實3號嗰日1 點前都ok, 因為3班OX同隻8仔啲機之前嗰晚已經到咗, 所以可以飛到, 之後12點幾都見到有啲機land到, 但係我啲同事話見到啲飛機係有啲搖搖晃晃咁land, 都幾"牙煙". 之後晏晝就好似陷入停頓狀態, 唔見有飛機升降, 因為啲飛機根本land唔到.

做咗7年機場, 未見過機場咁混亂, 好多嘢都係第一次見到:

1) 第一次見到個機場得番咁少飛機响機場, 無論係inner bay定係outer bay.
2) 第一次見到啲Fids板 (arrival & departure) 全部show係黃色(delay)or紅色(cancel).
3) 第一次見到CX嘅interline, E2 & W1, 非常long quene, E2條龍尾去到E1 security check point, W1條龍尾就去到Gate 36.
4) 夜晚2300過後,機場Departure & Arrival hall, Restricted area仍然四處都有好多人, 仲有好多人打地鋪.
5) CX area B & C check-in counter要用鐵馬攔住.
6) CX個Lost & Found啲行李多到放滿成條走廊, 仲要轉埋彎再去.

基本上, 我覺得CX嘅staff係最慘.

都唔明天文台點做嘢. 你話以維港做中心, 風力唔勁, 所以唔掛八號, 但係見到啲記者响尖沙咀碼頭做報導時, 啲風係好勁囉! 人都可以吹得郁. 我住九龍東啲陣風無定向咁吹嚟, 可想而知機場啲風仲更加勁. 唔掛八號, 搞到我地蝕咗幾舊水, 如果掛八號, 我公司係 x1.5, OT 係 X2.

天文台, 今次真係多得你 ... 係多得你唔少呀!!!!!