終於見到啦!

24/2 接唔到機, 有啲遺憾. 夜晚發夢仲見到元暢同我簽, 仲要係超friend, 傾晒計, 勁多嘢講果隻.
呢啲咪就係 日有所思, 夜有所夢 囉!
第二日即刻check元暢幾時返杭州, check到元暢今日會番去杭州拍戲. 咁啱Annie打電話嚟問嘢, 吹吓水, 先知道原來Gloria今日去上海1700機. 佢即刻通知Gloria.
因為自己衰遲出門口, 佢班機原本 STA1350 66位, 但早到, ETA1336. 我1340先到, miss咗佢嘅arrival. 响arrival Starbucks前等到兩點, 就上去departure巡咗一轉lounge, 唔見影, 我就叫咗Michelle仔陪我食lunch(味精拉麵). 食完之後, Michelle仔陪佢隻佬返office, 我就逛吓Duty free, 睇吓見唔見元暢, 但係都係冇發現, 於是就走咗去民航lounge樓下等, 睇吓佢會唔會入lounge, 順便等nana收工. nana3點半放工半被迫陪我等. 原本諗住等到4點半左右就走, 因為好攰, 佢又唔係好似老細咁容易估到佢去邊. 原本同nana坐咗响food court計劃吓下一步, 就响呢個時候 (4點半左右), Gloria打俾我話佢响60位附近見到元暢, 仲問佢攞埋簽名. 我同nana "bang bang"聲即刻去坐apm去60位. 去到60位啲Duty free, 唔見人 , 我地一路向68位行, 因為仲有大把時間先夠鐘上機, 所以估緊佢會唔會去65位間"牛肉麵"食嘢. 差不多到門口, nana好眼利見到一個頭帶冷帽嘅人, nana即刻話我知. nana不愧係追星多年嘅fans, 其實佢唔係好知元暢係咩樣, 淨係剛剛見過我準備俾元暢簽名嘅書封面同裡面啲相, 同埋聽到我形容佢今日嘅打扮, 佢咁都認到, 真係勁.
因為元暢同佢助手食緊嘢, 唔想騷擾佢地, 所以我地兩個 "柄"埋一邊但又可以望到佢地嘅地方, 一邊睇雜誌, 一邊等佢地食完嘢出嚟. 其間, 元暢有除低帽食嘢. 5點3左右, 佢地食完嘢出嚟, 但行反方向, nana即時估佢地會去"煙房", 哈! 又俾佢估中. nana話唔好响煙房附近"捕"佢, 可能佢唔係咁想人知佢食煙, 可能到時會尷尬. 所以我地決定响66位等佢. 佢地食完煙, 去完廁所, 就行去68位等boarding. 其實我真係好緊張, 仲緊張過等老細, 因為佢地係兩種人, 仲要第一次見元暢, 簡直緊張到暈. nana完全係我嘅軍師. 我地係响66位同68位之間嘅行人扶手電梯度中途截刧, 呀! 唔係, 係截住. 佢真係好高呀, 我連佢膊頭都唔到, 有少少壓迫感:

nana+我: 元暢
nana: 不好意思, 打擾一下.
我: 可不可以幫我簽名嗎?
元暢: 好呀! 好呀!
我: 但是我有好多本書要你簽. (打開袋子給他看)
nana(吹水ing): 我同事她好喜歡你的. 她常常上網你的消息, 知道你今天去杭州, 我不知道她是怎樣查到的. 等一下可以到前面坐下幫她簽名嗎? 因為有好多本. 前面人太多, 不是那麼方便.
元暢: 好呀! 好呀!
助手: 裡面(指我的袋子)是vcd嗎?
我: 不是. 全都是書.
nana: 其實我們剛下班. 我們是在機場工作的.
元暢: 你們是在這個機場工作的?
nana: 機場的地勤人員.
元暢: 是航空公司嗎? 東航的人嗎?
nana+我: 不是.
nana: 我們都不是. 我是華航, 她是另外一間的.
*注: 我一路都係傻笑.

行完條電梯, 佢真係行埋一邊坐低.
然後我就從袋中拎出5本書+1個月曆俾元暢慢慢簽.

元暢就一路以: 好... 謝謝... 下一本... 還有嗎?... 謝謝... ... 結束簽名.

攞咗新嘅身分證

今日off OT, 接唔到元暢, 同Michelle仔食完牛肉麵, 就一齊坐車過海, 因為我要還番部相機俾沙律 (Gloria個friend).
之後約咗Nana一齊去攞身分證. 我地都幾滿意張新嘅身分證, 影得幾好.
大家之後都冇嘢做, 所以當然去唱k啦! 今次去咗美麗華間red box, 我地勁鍾意呢間, 因為有好多歌neway係冇, e.g. 楊丞琳曖昧隻碟啲歌, 小豬啲歌, 都有得唱. 我同佢次次去唱k都勁唱台灣歌.
兩個人唱咗差不多4個鐘都係每人$70. 抵!

今日接機失敗咗!

原本今日想去接元暢機, 可惜隻OX re-schedule飛遲咗, 趕唔切. 於是放底啲file, 叫咗Michelle仔陪我去65位個lounge等佢. 佢隻機飛1225, 我由1145在lounge等佢等到final call... 1220, 都唔見佢. 所以就走咗去食牛肉麵. 我估佢應該冇去到個lounge同埋佢1145之前已經去到67位.

今日接機失敗咗! 唯有check吓佢幾時番去杭州拍戲!

好老土呀!

今朝早, 可能係7點幾, 個人瞓到濛濛朧朧, 醒醒地, 俾我聽到媽咪同阿姨嘅對話.

唔係呀嘛? 用埋呢啲藉口呃我攞email + icq + msn, 原來係為咗呢啲嘢! 好老土呀!

緣份呢啲嘢由天注定, 呢啲嘢有就有, 冇就冇, 不可強求, 隨緣吧啦!

我都慣咗一個人, 暫時都唔需要有多一個人嚟擾亂我家吓咁平淡嘅生活.

總之一句, 好老土呀!!!

SHIT! 又唔見咗隻鞋!

今朝去咗接老細機, 爭啲接唔到, 佢隻機STA 1040, 但原來 1022 已經 land咗. 我到機場已經係 1040, 仲要標落去locker攞permit. 入到去immg, 原來老細已經過咗immg, 同Fanny一齊响immg後等齊人. 出到belt帶, 見到果個Irene Chung, 有啲"怯", 唯有同佢地保持距離, 兼且老細隔離, 左右各有兩個assistants, 都埋唔到身. 去到belt帶尾, 突然老細身邊啲人散開, 佢身邊有一個大空位, 我即刻跳上前同佢講 : "Jerry, 早安", 然後我就走咗去! 哈!

同Annie食完個早午餐(brunch), 番咗去locker房瞓咗一陣, 跟住換衫準備番工. 當我想攞鞋換時SHIT! 今次得番一隻高踭鞋, 係一隻, 得番隻右腳, 唔見咗隻左腳. 究竟我得罪咗咩人呀?? 定係佢變態鍾意我對腳呀?!! 唉~ 唯有借著住Catherine對鞋先, 但係點都唔係自己對鞋著得咁舒服.

送機

老細今晚飛去上海.
nana放break剛好可以陪我等.
nana同老細講: Jerry, 你好像瘦了一點點.
老細: 真的嗎?
我: 上海很冷呀, 你要多穿一點衣服.
老細(指指手推車上面嘅大褸笑著說): 已經帶了很多, 還帶了棉被呢!
去到boarding gate 未boarding 因為 late arrival.
老細後來坐低等. 在等緊其間, 我偷偷地影咗佢一幅相, 但係被佢個新經理人捉正 ,但我否認~
Ms Chung: are u picking the photo?
Me: No.
Ms Chung: but i see there is a flash from your phone.
Me: No.
跟住我扮整電話, 直至我將個電話收埋佢先走開.
搞到我有小小down, 有小小無癮, 唔想等.
因為nana差不多要去out機, 於是陪nana食完支煙就走人.
返轉頭走人時才開始boarding, 一大堆人圍住個boarding gate.

老細駕到!

今朝番早枱, 超忙, 好彩琴日Fiona幫我打定啲assignment, 差不多11點, 阿Wing要用我部電腦, 順便叫佢幫我頂一陣枱. 老細隻機泊65位 STA 1120, 但係早到, 1107已經land咗. 1115左右到咗immg前等老細, 等咗好耐, 等到跟機果堆人到咗都未見人. 大約11點半, 先見到佢坐golf car嚟緊. 當佢坐响golf car上面被check完體溫後, 我即刻遞上我份禮物, 係一封信 + 側田 CD. 唱會之後. 開頭諗住俾完禮物老細就走人, 但係俾我見到佢睇側田隻CD, 我即刻走上前, 打蛇隨棍上, 同老細講:
我 : 他(側田)現在在香港很紅 , 他的歌很好聽, 他將會開演唱會, 在你們之後.
老細: 是嗎?
然後老細落車行去準備過immg, 見到佢原來著咗套Track suit, 裡面冇打底, 拉鍊只拉到心口, 勁 DEEP V, 其他跟機粉絲已過了immg~
我: Jerry, 今天你穿得很sexy喔?
老細(攤開手, 笑笑的): 是嗎?
我: Jerry, 你的頭髮看起來短了一點. 有剪過嗎?(可能係佢帶咗cap帽)
老細: 沒有呀! 因為要拍戲, 但之後會剪得更短.
跟住佢就要過immg, 而我就要趕番去office.

放咗工趕去apm, Annie佢地去咗2/F, 因為地下同1/F已經被霸佔晒. 還好, 雖然2/f, 有點遠, 但好過變咗沙甸魚响地下同人逼.

Annie 扮文字記者, yiman 都有, 後來sam又入埋去. suki 同rene 就有飛坐前面.

好明白 annie 嘅感受, 想嗌都唔得. 因為我都試過睇 roadshow搞嘅小齊mini concert, 同nana扮press 坐前面, 想嗌, 想拍手 但唔得.

夜晚睇到有線條片, 見到阿van真係唔係好妥孝天.

唔見咗對波鞋

前日 15FEB, 番夜做坐枱 deskdty. 6點鐘左右, Albert 叫我嗌 "哎呀"坐完Sky Pier番入office見佢. 唔洗講都知咩事, 唔俾佢過probation囉! 梗係喇! 未做夠3個月就起碼port咗5次sick, 又成日閃, 食飯食兩粒鐘.

夜晚OX delay, 由2145 delay到0045. 做完機, 响locker換完衫, SHIT!!!! 對波鞋連襪唔見咗. 搵晒全個locker房都唔見, 估到應該係"哎呀"做. 呢對波鞋舊年响東京outlet買, 唔係新, 而佢又剛被炒, 個個都估係佢做. 我又冇正面咁鬧過佢, 可能佢求其搵嘢發洩搵著我對波鞋, 又或者因為我叫佢番officer見Albert呱?!!

不過我已經貼咗張大字報响女仔locker房, 偷我鞋之無聊者, 此賤人必受詛咒: 爛口, 爛手, 爛腳, 爛 ** (唔出得街), 必遭天譴. 等佢個同屋女仔friend見到.

結果, 我著住T-恤, 牛仔褲, 配對番工高踭鞋番屋企. 要等到28Feb, 過咗新"正"頭先可以買過對波鞋.



圖中就係被偷波鞋之款式.!

Valentine's Day

14 Feb

已經單身多年的我, 對於呢啲節日, 無乜感覺lu~

今年點過??? 番工渡過囉!!! (night shift)

我...中...咗...惡...魔...毒...快...啲...救...我...

原本大前日 7Feb, 諗住煲住5集"惡魔在身邊", 然後瞓覺, 因為第二日晏周約咗NaNa一齊去換身份證. 點知... 一煲就停唔到, 由第6集開始煲, 煲到第二朝5點幾, 煲到第17集, 頂唔順要去瞓. 但係我已經中咗好深嘅 "惡魔"毒. 結果, 我果日搽咗勁厚嘅遮遐膏遮住對熊貓眼去影身份證. 而我嘅腦海就成日浮起 "惡魔" 嘅劇情.
前日, 終於睇完last3集"惡魔在身邊", 最尾個集好感動, 搞到我喊濕咗幾張紙巾. 不過估唔到小美同楊丞琳竟然會有幕 床上戲.

睇完 "惡魔" 之後, 勁想可以快啲睇到 元暢 嘅 "惡作劇之吻", 因為 元暢 會响大結局有一幕反串著婚紗, 好想睇, 一定會超搞笑.

唉~ 好想去台灣去擒小美 (元暢在大陸), 好想去 醒吾 睇吓 ~




P.S.
阿猛は　つど　一緒に　いたい。[阿猛和我要一起交往下去] (以我有限嘅日文拼出嚟, 唔知有冇聽錯或寫錯) (thank you Gloria, 我改番 いたい instead of いかい)
小美: 因為我有預感, 這一輩子, 我只喜歡你一個.

惡魔在身邊

因為今晚啲電視節目勁悶, 所以我終於的起心肝去開始睇 [惡魔在身邊].
剛剛睇完第1至5集, 開頭第1、2集超好笑, 楊丞琳啲表情好搞鬼, 勁有漫畫feel. 至於 <小美>, 估唔到佢可以笑得咁有邪氣, 完完全全好有 +++惡魔+++ feel, 當然佢仍然咁 "帥". 不過, 若然佢啲頭髮唔用髮夾夾起 (有啲似 流1 老細開頭做 道明寺 果時個造型), 會更加帥, 更加型!!!!!!

拆"利是"

今日day off, 百無了賴, 喺屋企拆利是. 照舊媽咪果封唔拆住.

今年喺機場都逗咗好多, 有成三十幾封, 包括有兩封係"東瀛遊"大利是.

不過唔知係邊個親戚咁夠彊, 咁搞嘢, 竟然用人仔嚟封利是. 我收到兩封人仔 10 蚊. 係就用港銀啦!
差果一,兩蚊. 我又極少番大陸, 又無用, 去銀行兌換又要收charge, 唯有俾媽咪下次番鄉下用啦!

話時話, 媽咪話我老哥好似仲未俾利是我喎!

迫爆迪士尼

農曆新年呢啲中國傳統文化, 係中國黃金周之一, 班紅鬚綠眼又點識吖! 個場又細, 後尾咪就係搞成咁! 迫爆迪士尼囉!

仲有, 家吓有邊個迪士尼, 响啲過時過節嘅節日, 等玩game係唔洗排隊超過1粒鐘以上 ?????
排吓隊, 守吓秩序啦! 俾啲文化啦!