東瀛遊~東京迪士尼、小涌園、富士急樂園五天團... Day 5

15/10 (Sat)

最後一日嘅東京之旅. 朝早食完早餐就先去淺草嘅廟宇, 好似係叫做"雷門寺".
食吓人形燒, 拜吓神. 跟住就去全程最後一個景點 -- "銀座".
銀座 = 香港嘅中環、尖沙咀. 有好多名店、百貨公司. 領隊哥哥話Berburry 4/F 有個型仔sales, 可惜我要幫同事趕住買Hello Kitty計數機, 冇去到"目及"仔. 買完之後, 同媽咪仲有一pair母女行咗一陣"松板屋", 媽咪睇中咗隻新鮮"長腳蟹", 3千幾Yen, 好想買, 叫我臨走前嚟買. 之後去咗搵嘢食, 因為媽咪腳痛, 唔係好行得, 又差唔多12點. 搵咗一陣, 終於搵到間冇炸嘢食嘅食店, 幾好味o架又唔係好貴, 900 Yen有碗麵或者飯, 幾大碗. 由於我唔係好肚餓, 所以食咗幾啖就去咗"玩具博品館"shopping, 買咗好多"龍貓"精品同埋其他得意精品. 2點鐘行番去"松板屋"鷄同鴨講地買長腳蟹. 2點9開車, 4點幾到機場. check-in完唔少得嚟一張團體大合照.
東京機場嘛... 有兩個Terminal, 我地個boarding gate响Terminal 2, 要坐無駕駛. duty free唔及香港咁多, 幾少嘢賣.
6點幾機, 10點幾番到HK, 咁就完結咗呢5日嘅東京之旅.







團體照 (攝於東京機場)







與領隊哥哥合照 (攝於香港機場行李帶旁)