五月天 演唱會 ... 超讚!!!

"五月天" 選咗香港紅館作為佢地巡迴演唱會嘅尾站.
琴日5月1日, 我同nana一齊去睇. 嘻嘻~ 我地買平飛, 但係坐貴飛位睇 (第19行).
"五月天"一出場就以 孫悟空 打頭陣, 樓下啲人(佢地開3面台)已經好high, 個個企晒起身. 可以佢地多快歌嘅關係, 好多人都睇到好high, high到仲係企足全場. 好多人都聽到 "五月天" 嘅呼籲著紅色衫. "五月天"真係好識搞氣氛. 石頭同怪獸嘅斷背短片好搞笑. 簡直係熱爆紅館!!! 我同nana都覺得 "五月天" 嘅閩南歌好好聽.
嘉賓有陳綺貞, 周華健, 仲有麥兜.
陳綺貞首 旅行的意義 好好聽. 最搞笑佢地竟然搵 麥兜一齊jam閩南歌.
佢地唱完encore, 已經11:30pm, 啲人唔肯走, 因為完場後個場播 聽不到, 全場人一齊唱, 最後 "五月天" 真係出番嚟, 响無準備下唱多一首先走, 仲話超時嘅charge, 滾石會找. 今日有線娛樂新聞話佢地因為超時, 被紅館罰咗$10萬. (所以話呢, 點解"五月天"知道fans唔肯走, 仲encore多一次. 四仔last果場, 情況一樣, 但係孝天答話, 唔知道! ... 真奇怪)

講真句, 真係好睇過F4!